Вьетнамнинг Хошимин шаҳрида футзал бўйича Осиё чемпионати баҳсларига старт берилди. Мазкур қитъа чемпионатида «Д» гуруҳида баҳсларга киришган Ўзбекистон терма жамоаси аъзолари биринчи учрашувни қирғизистонлик футзалчиларга қарши ўтказиб, 2:2 ҳисобида дуранг натижани қайд этди. Бу ҳақда Ўзбекистон Миллий Олимпия қўмитаси матбуот хизмати хабар берди.
Ўзбекистон терма жамоаси навбатдаги тур учрашувини 3 май куни Япония термасига қарши ўтказади. Японияликлар биринчи турда Жанубий Корея терма жамоаси устидан 12:0 ҳисобида зафар қучди.
Маълумот учун: Ўзбекистонлик футзалчилар Осиё чемпионатида уч бор (2001, 2006, 2010 йиллар) кумуш ва икки маротаба (2005, 2007 йиллар) бронза медалига сазовор бўлган. 2004 йили бўлиб ўтган қитъа чемпионатида эса 4-ўринни эгаллаган.
Изоҳ (0)