Шу йилдан бошлаб абитуриентлар Тошкентдаги Халқаро Вестминстер университети сайтида кириш имтиҳони учун онлайн тарзда рўйхатдан ўтиши мумкин. Бу ҳақда ТХВУ таълим бўлими раҳбари Алексей Семёнов ICTNews нашрига маълум қилди.
«Авваллари вилоятлик абитуриентлар ҳужжат топшириш ва имтиҳонга кириш учун пойтахтга бир неча марта келиб-кетишга мажбур бўлишар эди», — деди Семёнов.
Ушбу муаммога ечим топиш мақсадида университет томонидан онлайн рўйхатдан ўтиш тизими ишлаб чиқилди. Унинг ёрдамида уйдан туриб барча ҳужжатларни ОТМга тақдим этиш мумкин. Бунинг учун тизимга ҳужжатларнинг сканерланган нусхаларини киритиш кифоя. Шундан сўнг абитуриентга рухсатнома яратилади ва имтиҳон кунигача ёки шу куни берилади.
Имтиҳон натижалари электрон почта орқали юборилади ёки улардан тизимнинг ўзида ҳам бохабар бўлиш мумкин.
Изоҳ (0)