Ўзбекистон Республикаси Бадиий академияси Қорақалпоғистон Республикаси бўлимининг кўргазмалар саройида «Ранглар дунёси» деб номланган кўргазма очилди. Бу ҳақда ЎзА хабар берди.
Соғлом бола йили муносабати билан ташкил этилган кўргазмада қорақалпоғистонлик 18 нафар таниқли рассомнинг 40 дан зиёд картиналари намойиш этилмоқда.
Ўзбекистон халқ рассоми Жўллибой Изентаевнинг «Натюрморт», Женис Лепесовнинг «Она», «Жайҳун гўзали», Сарсенбой Бойбўсиновнинг «Кун ботаётгандаги илиқлик», Бозорбой Серекеевнинг «Илк қадам», «Бола туши», ёш рассомлар Мирзабек Қозоқбоевнинг «Соғинч», Нажиматдин Шукуриллаевнинг «Оролга борган қиз», «Қизкеткен», Ўнғар Жамиевнинг «Куз» каби картиналари мухлис ва мутахассисларда, айниқса, катта қизиқиш уйғотмоқда.
– Ҳар бир асар ўзига хос мавзуси, ранглар жилоси, ишланиш техникаси билан ажаралиб туради, – дейди Қорақалпоғистонда хизмат кўрсатган ёшлар мураббийи, рассом Абдулла Ражапов. – Мусаввирнинг дунёқараши, оламни идрок этиши, табиатнинг кўз илғамас жилоларини кўра билиши намоён бўлган картиналар томошабинларга манзур бўлмоқда.
Изоҳ (0)