Душанба куни шарқий Хитойнинг Фуцзян провинциясидаги Цинкоу шаҳрида ҳаракатланаётган ҳайдовчи йўловчи ва велосипедчиларни атайлаб уриб кетди. Натижада олти киши ҳалок бўлди, 13 киши жароҳат олди. Қурбонлар орасида учта ёш бола бор. Бу ҳақда маҳаллий ОАВларга таяниб «ИТАР-ТАСС» хабар берди.
Полициянинг дастлабки тахминига кўра, Линь фамилияли жиноятчининг бундай ҳаракатига оиласидаги муаммолар туфайли юзага келган беқарор ҳиссий ҳолати сабаб бўлган. Маълум бўлишича, хотинининг ажрим ҳақидаги шикояти кўрилаётган суд биносидан чиққан Линь автомобиль тезлигини оширган ва гоҳ-гоҳида тротуарга ўтиб, йўловчиларни уриб кета бошлаган. Шу тариқа у автомобили олган зиёнлар натижасида тўхтаб қолмагунича, икки километрча масофани босиб ўтган.
Линь воқеа жойига етиб келган полицияга таслим бўлишдан бош тортган ҳамда машинасидаги бензин ва пиротехника солинган идишни ёқиб юбориш билан таҳдид қилган. Жиноятчини чалғитиб, портловчи моддаларни олиб қўйишди, ҳайдовчини эса ҳибсга олишди.
Изоҳ (0)