Покистон бош вазири Наваз Шариф мамлакатдаги уй-жой-коммунал хўжалиги хизматларига тўловни ўз вақтида амалга ошириш устидан қатъий назорат олиб бориш ҳақида буйруқ берди. Орадан бир ҳафта ўтар-ўтмас, ўзининг резиденциясидаги газ пули тўланмагани учун ўчириб қўйилди. Бу ҳақда Pakistan Today газетасига таяниб «ИТАР-ТАСС» хабар берди.
Бош вазирнинг тўланмаган ҳисоблари 4,7 миллион Покистон рупияси (тахминан 48 минг доллар)га тенг бўлиб чиқди.
Sui Northern Gas Pipelines Limited газ етказиб берувчи компаниясининг маълум қилишича, парламент биносида ҳам газ учун пул тўланмаган: қарздорлик 7,7 миллион рупия (78 минг доллар)ни ташкил этади. Федерал шариат суди эса газдан 2,2 миллион рупия (23 минг доллар) қарздор.
SNGPL бу муассасаларни аввал ҳам бир неча марта огоҳлантирган, бироқ натижа бўлмагач, уларни газдан узиб қўйган.
Изоҳ (0)