For.uz учинчи даражали домени барчага бепул тақдим этилади

Uzinfocom Маркази Уз миллий доменининг 19 йиллиги муносабати билан барча интернет фойдаланувчиларига For.Uz лойиҳасини тақдим этади. Ушбу лойиҳа ўз шахсий сайтини очган ҳолда алоҳида домен сотиб олишни истамаган фойдаланувчилар учун мўлжалланган.

Ушбу лойиҳа орқали учинчи даражали домендан бепул фойдаланиш мумкин, у қўйидаги кўринишда акс этади: ism.for.uz, «исм» ўрнига фойдаланувчи ўз исмини ёки танлаган исмни ёзиши мумкин.

Бепул доменни қўлга киритган фойдаланувчи ўз хоҳишига кўра уни мавжуд ёки янги сайтга бириктириши, шу билан бир қаторда захирада сақлаш имкониятига эга.

Доменни қўлга киритиш учун ID.uz — Ягона рўйхатдан ўтиш тизимидан рўйхатдан ўтиб, PassportID мақомига эга бўлиш лозим.

«Умид қиламизки, яқин кунларда интернетнинг миллий сегментида бўш доменлар ўрнини қизиқарли сайтлар эгаллайди», — дейилади Uzinfocom press-релизида.