Соғлиқни сақлаш вазирлигининг буйруғи билан Гиёҳвандлик воситалари, психотроп моддалар ва прекурсорларни сақлаш, сотиш, тарқатиш, ҳисобга олиш шартлари ҳақидаги Низомга ўзгартиш ва қўшимчалар киритилди. Бу ҳақда norma.uz хабар берди.
Ушбу Низом Соғлиқни сақлаш вазирлиги томонидан бериладиган лицензия асосида гиёҳвандлик воситалари, психотроп моддалар ва прекурсорлар айланмаси билан шуғулланувчи юридик шахсларга тегишлидир.
Даволаш-профилактика муассасалари раҳбарлари ҳар чоракда дорихоналарга гиёҳвандлик воситалари учун рецепт ёзиб бериш ҳуқуқига эга шифокорлар рўйхатини тақдим этади. Унга шифокорлар имзоси ва муҳри намуналари илова қилинади.
Гиёҳвандлик воситалари учун рецепт махсус пуштиранг қоғозда фақат лотин тилида ёзилади. Рецепт аввалги ўн кун ўрнига, энди етти кун ичида амал қилади.
Қарорда бошқа қатор ўзгартиш ва қўшимчалар тилга олинган.
Изоҳ (0)