Microsoft компанияси Internet Explorer браузерининг 6-дан 11-гача версияларидаги хатоликни бартараф этиш зарурияти ҳақида эълон қилди. Ушбу хатолик хакерлик ҳужумлари уюштиришга сабаб бўлган. Бу ҳақда компания хабар берди.
NetMarketShare таҳлил компанияси маълумотига кўра, браузернинг ушбу версиялари дунёдаги стол компьютерларининг ярмидан кўпида қўлланилади. StatCounter мутахассислари эса мазкур версияларни 27,5 фоиз фойдаланувчиларгина ишлатишини аниқлади.
Хатоликдан фойдаланиб, ёвуз ниятли кишилар тизимни бузиб кириши, файлларни ўчириб, зараркунанда дастурларни ўрнатиши ва тўлақонли фойдаланувчи ҳуқуқини берувчи аккаунт яратиши мумкин.
Текшириш ишлари тугагач, Microsoft фойдаланувчилар хавфсизлиги учун зарур чора-тадбирларни амалга оширади, шу жумладан хавфсизликни янгилайди. Бироқ Windows XP операцион тизимидаги компьютерлар янгилана олмайди, чунки 8 апрелдан платформа расмий кўмакдан узиб қўйилди. Мутахассисларнинг фикрича, шахсий компьютерларнинг 15—30 фоизи операцион тизимнинг шу версиясида ишлайди.
Изоҳ (0)