Facebook’да бахтиёрлиги ҳақида хабар қолдирган аёл бир дақиқа ўтар-ўтмас автоҳалокатга учради

АҚШнинг Шимолий Каролина штати Клеммонс шаҳрида яшовчи Кортни Энн Сенфорд исмли аёл ижтимоий тармоққа оптимистик статус жойлаштирганидан бир дақиқа ўтар-ўтмас автомобиль ҳалокатида ҳаётдан кўз юмди. Бу ҳақда My Fox 8 хабар берди.

32 ёшли Сенфорд 24 апрель куни шаҳар ташқарисидаги катта йўллардан бирида ҳаракатланаётиб, Facebook’да ўзи тинглаётган мусиқа ва яхши кайфияти ҳақида «‘Ҳаппй’ (‘Бахтли’) қўшиғи мени бахтиёр қилмоқда», — дея пост қолдирган. Хабар 8:33 да ёзилган. 8:34 да эса қутқарув хизматига йўл ҳалокати гувоҳларидан қўнғироқ келиб тушган.

911 хизматига қўнғироқ қилган киши енгил машина қарама-қарши полосага ўтиб, юк машинасига урилиб кетгани ва деярли бирдан ёниб кетганини маълум қилган. Гап Сенфорд машинаси ҳақида кетган, у воқеа жойида ҳалок бўлган. Аварияга нима сабаб бўлгани номаълум.

Юк машинаси ҳайдовчисига ҳеч қандай зарар етмаган. Полиция аёлнинг ўлими лаҳзалар ичида содир бўлганини таъкидлади.

Сенфорднинг постини эса бўлган воқеадан бехабар дўстлари «лайк»лаб, изоҳлар қолдиришган.