Мисрда «Мусулмон биродарлари»га нисбатан эълон қилинган оммавий ўлим жазоси халқаро ҳуқуқнинг очиқчасига бузилишидир, дея таъкидлади БМТнинг инсон ҳуқуқлари бўйича Олий комиссари Наванетхем Пиллей. Бу ҳақда ИТАР-ТАСС хабар берди.
«Оммавий ўлим жазоси эълон қилиш ўрнига, судлар айбланаётган шахслар адолатли суд ишига ҳаққи борлигига кафолат бериши лозим», — деди Пиллей.
Олий комиссар «инсон ҳуқуқлари бўйича халқаро ҳуқуқни очиқчасига бузувчи оммавий суд жараёнидан сўнг 683 кишининг ўлимга маҳкум қилингани кишини ҳайратга солишини» таъкидлади.
Мисрда «Мусулмон биродарлари» ҳаракати тарафдорлари устидан суд жараёни тугаб, 28 апрель, душанба куни 683 киши, шу жумладан, ташкилот етакчиси Муҳаммад Бадий ўлим жазосига ҳукм қилинган эди.
Маҳкумларга полиция участкаларига ҳужум қилиш ва полиция ходимларини ўлдириш билан боғлиқ айбловлар қўйилди. Human Rights Watch ташкилоти ҳуқуқ ҳимоячилари маълум қилишича, маҳкумларнинг адвокатларига эшитув чоғида гапиришга рухсат берилмаган.
Изоҳ (0)