Тошкент вақти билан тахминан 13:00 да Харьков шаҳри мэри Геннадий Кернесга суиқасд уюштирилди. Бу ҳақда Gazeta.ru хабар берди.
Харьков шаҳар раҳбари белига ўқ тегиши натижасида қаттиқ жароҳат олди. Айни пайтда у шошилинч жарроҳлик бўлимида операция қилинмоқда. Шифокорлар унинг ҳаётини сақлаб қолиш учун курашмоқда, дейилади хабарда.
2010 йил 31 октябрида Кернес сайловчиларнинг 30% овози билан шаҳар мэрлигига сайланган. Украинадаги танглик чоғида у Киевдаги норозиликлар ҳукуматнинг ноқонуний равишда эгаллаб олинишига олиб келишини таъкидлаган эди.
24 апрель куни Харьков вилоят кенгаши депутатлари Украина Олий радасига мурожаат қилиб, ҳукуматни децентрализация қилиш ва маҳаллий ўз-ўзини бошқариш органлари ролини кучайтириш таклифини киритган эди.
Изоҳ (0)