Олий Рада томонидан тайинланган Украина президенти вазифасини бажарувчи Александр Турчинов Россия таркибига кирган Қрим ва Севастополь шаҳри «вақтинчалик босиб олинган ҳудуд» деб аталган қонунни имзолади. Бу ҳақда «РИА Новости» хабар берди.
«Украинанинг вақтинчалик босиб олинган ҳудудида фуқаролар ҳуқуқ ва эркинликларини таъминлаш ҳамда ҳуқуқий режим» қонунида мамлакат фуқаролари Қрим ва Севастополдан эркин чиқиб кетишлари кафолатланган. Шу билан бирга, Қрим пропискасига эга 16 ёшдан 60 ёшгача бўлган шахсларнинг чиқиб кетиши учун махсус мураккаблаштирилган режим яратилиши ҳақида сўз борган.
Қонунга кўра, «вақтинчалик босиб олинган ҳудуд» Украинанинг ажралмас қисми ва у ерда украин қонунчилиги амал қилади. Бироқ ҳудудда инсон ҳуқуқлари бузилса, бунга Россия Федерацияси жавобгар бўлади. Шу билан бирга, Қримнинг Россия таркибига кириши юзасидан келиб чиққан моддий зиёнлар Россия томонидан қопланиши керак.
Изоҳ (0)