АҚШ президенти Барак Обама Украина армиясига қуролларни қўшимча етказиб беришдан маъни йўқлигини билдирди. «Тўқнашувларга барҳам беришнинг самаралироқ усули санкциялар жорий қилишдир», — деди у. Бу ҳақда «РИА Новости» хабар берди.
Филиппин пойтахти Манилада бўлиб ўтган матбуот анжуманида Обама Украинага қурол етказиб бериш билан Россия армиясига қарши туриб бўлмаслигини таъкидлади. «Иқтисодий санкциялар билан бу борадаги имкониятларимиз кўпроқ бўлади», — деди у.
Аввалроқ АҚШ Украинага сиёсий ва молиявий ислоҳотлар учун 50 миллион доллар миқдорида молиявий кўмак беришини эълон қилган. Бундан ташқари, Вашингтон Киевга ноқонуний ҳарбий ёрдам кўринишида 8 миллион долларга яқин маблағ ажратди.
Изоҳ (0)