25 апрель куни «Туркистон» саройида Ўзбекистон халқ шоири Муҳаммад Юсуф таваллудининг 60 йиллигига бағишланган ижодий кеча бўлиб ўтди. Унда парламент аъзолари, ёзувчи ва шоирлар, адабиёцҳунослар, маънавият тарғиботчилари, ўқитувчилар, кенг жамоатчилик вакиллари, талаба-ёшлар иштирок этди, деб хабар бермоқда ЎзА.
Ижодий кечада Муҳаммад Юсуфнинг умр йўлдоши Назира Саломова юксак эътибор ва ғамхўрлик учун Президентга миннатдорлик билдирди.
– Истиқлол барча қалам аҳли сингари Муҳаммад аканинг ҳам эркин ва самарали ижод қилиши учун кенг имкониятлар яратди, – дейди Н. Саломова. – Давлатимиз раҳбари томонидан унинг меҳнатлари юксак эътироф этилиб, хотирасини эъзозлаш юзасидан кўрсатилаётган ғамхўрлик ва эътибордан бошимиз кўкка етди.
Концерт дастурида шоир шеърлари билан айтиладиган ашулалар янгради.
Шунингдек, давлат раҳбари қарори билан шоирнинг 60 йиллиги кенг нишонланаётган шу кунларда кино ижодкорлари томонидан Муҳаммад Юсуф ҳаёти ва ижоди ҳақида ҳужжатли фильм яратилди ҳамда ушбу киноасар адабий кечада намойиш этилди.
Шу куни Ўзбекистон халқ шоири Муҳаммад Юсуф яшаган Тошкентнинг Мирзо Улуғбек туманидаги Пушкин-Солор кўчасидаги 1-уйда шоир хотирасига бағишлаб ёдгорлик лавҳаси ўрнатилди.
Изоҳ (0)