Ўзбекистон Республикаси Президенти Ислом Каримовнинг 2010 йил февраль ойида Жанубий Кореяга қилган ташрифи чоғида Тошкент ва Сеул шаҳарлари маъмуриятлари вакиллари ўртасида Тошкентдаги «Сеул боғи»ни қуриш бўйича келишув имзоланган эди, деб хабар бермоқда «Жаҳон» ахборот агентлиги маълумотига таяниб UzReport.
Корея томонидан молиялаштирилувчи Тошкентдаги «Сеул боғи»ни қуришдан асосий мақсад Жанубий Корея маданияти, анъаналари, миллий хусусиятларини тарғиб этишга, шунингдек, мамлакатлар ўртасида икки томонлама ҳамкорликни ривожлантиришга кўмаклашишдан иборат. Ҳозирда пойтахтдаги Бобур истироҳат боғи ҳудудида маданий объектнинг қурилиш ишлари олиб борилмоқда. Унинг умумий майдони 17,5 гектар бўлиб, кўкаламзорлаштирилган ҳудуд 7 гектарни ташкил этади.
2001 йилдан буён Тошкентда Мицуи анд Cо, Шимидзу каби япон компаниялари ҳамда ЖИCА халқаро ҳамкорлик япон агентлиги иштирокида барпо этилган Япон боғи фаолият юритиб келмоқда. Қайд этиш жоиз, ушбу боғ пойтахт аҳолиси ва меҳмонларининг энг севимли жойларидан бирига айланди, дея хабар бермоқда Тошкент шаҳар ҳокимияти.
Изоҳ (0)