Ҳар йили 1 май куни Тошкентда «Фавворалар сайли» оммавий-маданий ёшлар тадбири ўтказилиши ҳақида қарор жорий этилди. «Камолот» ЁИҲ матбуот хизмати хабарига кўра, бу ҳақдаги тегишли қарор 23 апрель, чоршанба куни Ўзбекистон Вазирлар Маҳкамаси томонидан қабул қилинган.
Сайилни ўтказиш ташаббуси «Камолот» ЁИҲ, Маданият ва спорт ишлари вазирлиги, Тошкент шаҳар ҳокимлиги ва Республика маънавият тарғибот марказидан чиққан, деб маълум қилади «Кун».
Қарорда мазкур сайл давомида Тошкент шаҳридаги ҳар бир фаввора олдида, айниқса, мусиқали фавворалар ёнида маданий тадбирлар, санъаткорлар, ёзувчи ва шоирлар, кино ва театр актёрларининг ёшлар билан учрашувлари ўтказилиши белгиланган.
Изоҳ (0)