Тошкентда енгил атлетика бўйича паралимпиячилар ўртасида мамлакат чемпионати якунланди. Ўзбекистон Миллий паралимпия ассоциацияси томонидан ташкил этилган турнирда 150 нафардан зиёд спортчи ғолиблик учун баҳслашди. Бу ҳақда ЎзА хабар берди.
Мусобақада узунликка сакраш бўйича баҳсларда пойтахтлик Дониёр Солиев, Тошкент вилоятидан Миран Сахатов ва сурхондарёлик Маъруф Муродуллаев, қизлар баҳсида тошкентлик Зилола Сирлиева ғолибликни қўлга киритди.
Турли масофаларга югуришда пойтахтлик Қобил Тўлаганов, Сафарали Отабоев, Дониёр Аҳмедов, Дамир Пашаев, Тошкент вилоятидан Миран Сахатов, андижонлик Мусобек Сойпиров, сурхондарёлик Фахриддин Ҳамроев, Маъруф Муродуллаев, қашқадарёлик Убайдулла Имомқулов маррага биринчи келди.
Қизлар ўртасидаги баҳсларда тошкентлик Муштарий Мамарасулова, жиззахлик Ёқутхон Холбекова, бухоролик Диана Курмакаева олтин медални қўлга киритди.
Ядро улоқтиришда пойтахтлик Сайдулла Исматов, андижонлик Мавлон Ҳайдаров, фарғоналик Шаҳриёр Набиев, қашқадарёлик Жамшид Эгамбердиев ва навоийлик Ҳусниддин Норбеков ғолиб бўлди. Ҳ. Норбеков диск улоқтириш баҳсида ҳам биринчи ўринни эгаллади.
Найза улоқтиришда фарғоналик Абдуғаффор Абдуллаев олтин медаль билан тақдирланди. Қизлар ўртасида тошкентлик Гуласал Ҳайитова ва хоразмлик Салобат Собированинг натижалари ҳакамлар томонидан юқори баҳоланди.
Изоҳ (0)