Нафиса Мўминова Ханти-Мансийскдаги ФИДЕ Гран-Присида 10-ўринни эгаллади

Россиянинг Ханти-Мансийск шаҳрида хотин-қизлар ўртасида ўтказилган ФИДЕ Гран-Присининг тўртинчи босқичи мусобақалари ниҳоясига етди. Бу ҳақда Ўзбекистон Миллий Олимпия қўмитаси матбуот хизмати хабар берди.

Мазкур нуфузли мусобақада Ўзбекистон шарафини ҳимоя қилган халқаро гроссмейстер Нафиса Мўминова 11 имкониятдан 4 очко жамғарди ва дунёнинг 12 нафар етакчи шахматчиси орасида 10-ўринни эгаллади.

Хитойлик Хоу Ифан 11 имкониятдан 8,5 очко жамғариб ФИДЕ Гран-Присининг тўртинчи босқичида биринчи ўринни эгаллади.

Қуйида барча спортчиларнинг жамғарган очколари ва эгаллаган ўринлари берилган:

1. Хоу Ифан (Хитой) – 8,5 очко
2. Олга Гиря (Россия) – 7 очко
3. Александра Костенюк (Россия) – 6,5 очко
4. Катерина Лагно (Украина) – 6 очко
5. Анна Музичук (Словения) – 6 очко
6. Нана Дзагнидзе (Грузия) – 5,5 очко
7. Антоанета Стефанова (Болгария) – 5,5 очко
8. Чжао Сюе (Хитой) – 5 очко
9. Анна Ушенина (Украина) – 5 очко
10. Нафиса Мўминова (Ўзбекистон) – 4 очко
11. Татяна Косинсева (Россия) – 3,5 очко
12. Батчимег Тувшинтугс (Мўғилистон) – 3,5 очко