Италия ҳукумати eBay аукционида қимматбаҳо машиналар савдосини ўтказди ва 371 минг евро ишлаб олди. Бу ҳақда Agence France-Presse хабар берди.
Бу билан ҳукумат вазирликларнинг жамоатчилик норозилигига сабаб бўлган харажатларини қисқартиришга уринаётганини кўрсатди. Маълум бўлишича, мудофаа ва ички ишлар вазирликлари ходимларига хизмат қилган 52 та машина сотиб бўлинган. Улар орасида BMW ва Audi маркасидаги автомобиллар бўлган. Аукционда яна саккизта зирҳли Maserati сотиш режалаштирилган. Бундан автомобильнинг ҳар бири 100 минг долларгача туриши мумкин.
Умумий сони 151 та бўлган барча транспорт воситалари 16 майгача сотилиши кўзда тутилмоқда. Ҳукуматнинг аниқлик киритишича, улар маъмурий органларга керак бўлмаган автомобиллардир.
Савдони ташкиллаштириш ташаббуси февраль охирида бош вазир лавозимини эгаллаган Маттео Ренси томонидан илгари сурилган ва жамоатчилик томонидан қўллаб-қувватланган.
Изоҳ (0)