«Тийинли миллионер» лақаби билан машҳур бўлган новосибирсклик пенсионер Юрий Бабин «РИА Новости»га маълум қилишича, у Россия президенти Владимир Путиннинг собиқ хотинига уйланиш таклифини қилмоқчи.
«Мен 2008 йилдан буён ёлғизман ва Людмила Александровна Путинага уйланмоқчиман. Бунга икки ойдан бери жазм қила олмай юрувдим, бироқ кеча Путиннинг ўзи менга йўл кўрсатди», — деди у ва Путин билан тенгдош эканини ҳам қистириб ўтди.
Бабин Людмила Путинага турмуш қуриш таклифини ОАВ орқали амалга оширишини билдирди.
17 апрель, пайшанба куни Россия президенти билан ўтказилган тўғридан-тўғри мулоқот чоғида унга мамлакатнинг «биринчи хоними»ни қачон таништириши ҳақида савол келиб тушди. «Аввал собиқ хотиним Людмила Александровнани турмушга узатай, кейин ўзим ҳақимда ўйлайман», — дея Путин ҳазилона жавоб берди.
Юрий Бабин 2012 йил декабрида бир тийинлик тангалардан иборат шахсй коллекциясини сотувга қўйди. Шундан сўнг у «тийинли миллионер» сифатида танилди. Умумий оғирлиги 7,5 тонна бўлган беш миллионта тангани у 19,9 миллион рублга баҳолади. Бабин, шунингдек МРБ собиқ ходими Эдвард Сноуденга ўз коттеджидан бешта хона таклиф қилгани билан ҳам машҳурдир.
Изоҳ (0)