Таиланд Янги йили – Сонгкранни нишонлаш давомида мамлакатда қарийб уч мингта йўл-транспорт ҳодисаси (ЙТҲ) содир бўлиб, бунинг натижасида 322 киши ҳалок бўлди.
Тҳаиланд National News Bureau’нинг хабар беришича, ушбу байрам нишонланадиган етти кун давомидаги ЙТҲларга, 2013 йилда бўлгани каби, ҳайдовчиларнинг маст ҳолда рулга ўтириши ва тезликни белгиланганидан ошириши сабаб бўлган.
2014 йилнинг 11—17 апрель кунлари давомида 2992 та ЙТҲ содир бўлиб, унда 322 киши ҳалок бўлган, яна 3225 киши турли даражада тан жароҳати олган.
Қайд этиш жоиз, 2014 йилги байрам давомидаги ЙТҲлар натижасида ҳалок бўлганлар сони ўтган йилнинг худди шу давридаги кўрсаткичдан 0,3 фоизга кам, деб хабар беради «Кун».
ЙТҲларнинг аксарияти мотоцикллар (80,75%) ва пикаплар (9,73%) иштирокида содир бўлган. Ҳалок бўлганларнинг 70 фоизи ЙТҲ вақтида маст ҳолатда бўлган.
Хабар беришларича, Таиландда «хавфли етти кун» деб аталадиган Сонгкранни нишонлаш вақтида ҳар йили 300 киши атрофида одам ЙТҲ натижасида ҳалок бўлади.
Изоҳ (0)