КХДР аввалгидек «АҚШ ва Жанубий Кореянинг провокацион ҳаракатларига жавобан мудофаа мақсадида чоралар кўриш ва ядро қуролини қўллаш таҳдидини амалга оширишда давом этади», дейилади мамлакат марказий газетаси «Нодон синмун»да чоп этилган мақолада.
«ИТАР-ТАСС» хабар беришича, мақола 11 апрель куни бошланиб, 25 апрелгача давом этадиган Корея Республикаси ва АҚШ ҳарбий ҳаво кучларининг биргаликдаги Max Thunder манёврларига жавобан чоп этилган.
«Нодон синмун» огоҳлантиришича, АҚШ ва Жанубий Кореянинг «‘Шимол томонидан хавф’ баҳонасида ўтказилаётган ҳарбий ҳаракатлари вазиятни кескинлаштириб, Корея ярим оролида ядро уруши хавфини келтириб чиқармоқда».
«АҚШ ва Жанубий Корея ҳукумати КХДРнинг кучли инқилобий армиясидан шафқатсиз жавоб зарбасига чап бериш учун ақл билан иш тутиши керак», дея таъкидланади мақолада.
Корея Республикаси Ҳарбий ҳаво кучлари АҚШ билан ҳамкорликда мамлакат ҳудудида энг йирик ҳарбий ўқув машғулотларини ўтказмоқда. Уларда 1,4 минг киши ҳамда Ф-15 русумли 103 та қирувчи самолёт қатнашмоқда.
Изоҳ (0)