АҚШнинг собиқ давлат котиби Хиллари Клинтонга оёқ кийимини отган аёл икки йиллик қамоқ жазосига ҳукм қилиниши мумкин. Бу ҳақда KTLA телеканали маълумотига таяниб, «ИТАР-ТАСС» хабар берди.
10 апрель куни 36 ёшли Элисон Мишель Эрнст Невада штатининг Лас-Вегас шаҳридаги Mandalay Bay меҳмонхонасида маъруза ўқиётган Хиллари Клинтонга ўз оёқ кийимини ирғитган эди. Клинтон хонимга бирон зиён етмади, ўзи ҳам буни ҳазил билан қабул қилди.
Эрнстга нисбатан инсон эркинликлари чегарасини бузиш ва зўравонлик ҳаракатларини амалга ошириш айбловлари эълон қилинди. Аёл 24 июнь — унинг иши Лас-Вегас судида биринчи марта кўриб чиқилгунича қамаб қўйилади. Қўйилган айбловлар бўйича, Эрнст икки йилга озодликдан маҳрум бўлиши мумкин.
Изоҳ (0)