Филиппин ташқи ишлар вазирлиги мамлакатга 30 кун муддатга келган етти давлат фуқаролари, жумладан Ўзбекистон учун визани бекор қилди. Бу ҳақда Gazeta.uz хабар берди.
Филиппин ТИВ сайтида маълум қилинишича, энди визалар Марказий Осиёдаги бошқа мамлакатлар — Қозоғистон, Қирғизистон, Тожикистон, Туркманистон, шунингдек, Белиза ва Хорватия фуқаролари учун ҳам керак бўлмайди.
Визани бекор қилиш ҳақидаги қарор ушбу мамлакатлардан сайёҳлар ва инвестицияларни жалб қилишга қаратилган. Филиппинга ташриф буюриш учун фуқароларидан виза талаб этилмайдиган давлатлар сони 157 тага етди. Рўйхатдан Сомали фуқаролари истисно қилинган.
Филиппин туризм вазирлиги 2015 йилгача мамлакатга ташриф буюрадиган хорижий сайёҳлар сонини 10 миллион кишига етказиш ниятида.
Изоҳ (0)