Beeline Club тармоғи таом шинавандалари учун миллий қидирув тизими — Resto.uz билан ҳамкорликни йўлга қўйди. Энди resto.uz сайтига ташриф буюрувчилар қулай навигация ёрдамида Голд ва Платинум имтиёзли карталари эгалари учун чегирмалар тақдим этилаётган барча муассасаларни топишлари мумкин. Бу ҳақда Beeline матбуот хизмати хабар берди.
— Beeline Club — Ўзбекистондаги энг муваффақиятли бонус дастурлардан бири, — дейди компаниянинг Жамоатчилик билан алоқалар хизмати раҳбари Ораз Абдуразаков. — Биз абонентларимизни максимал даражада қулайликлар, шу жумладан, клуб имтиёзлари бўйича навигациялар билан таъминлаймиз.
Beeline Club’га тегишли ресторанларнинг рўйхатини филтрлаш учун ушбу пункт рўпарасига белги қўйиш лозим. Шундан кейин сайтнинг қидирув тизими тармоқнинг барча ҳамкорлари рўйхатини кўрсатади. Шунингдек, ҳар бир муассасанинг тавсифида тақдим этилаётган чегирмалар миқдори ва Ўзбекистон шаҳарларининг харитасида уларнинг жойлашган манзилини топиш мумкин.
Эслатиб ўтамиз, Beeline Club’га аъзо бўлган абонентлар Андижон, Бухоро, Жиззах, Қарши, Қўқон, Навоий, Наманган, Нукус, Самарканд, Тошкент, Термиз ва Фарғона шаҳарларидаги ўнлаб ресторан ва савдо нуқталаридан имтиёзли фойдаланишлари мумкин.
Изоҳ (0)