Фарғоналик «валютачи» уч йиллик ахлоқ тузатиш ишлари билан жазоланди
Фарғона вилояти Риштон туманида «валютафуруш» харидорга 12 минг АҚШ долларини 2740 сўмдан, жами 32 миллион 880 минг сўмга сотаётган вақтда қўлга олинган ва 13 минг 570 АҚШ доллари, 18 минг 550 Россия рубли ашёвий далил сифатида расмийлаштирилган. Бу ҳақда «Ҳуқуқ» газетаси хабар берди.
Ўзбекистон Республикаси Бош прокуратураси ҳузуридаги Солиқ, валютага оид жиноятларга ва жиноий даромадларни лэгаллаштиришга қарши курашиш (СВОЖЖДЛҚК) департаментининг Риштон туман бўлими бошлиғи Шавкат Муҳаммедовнинг таъкидлашича, суд ҳукмига асосан «валютачи» ойлик иш ҳақининг 20 фоизи давлат даромадига ушлаб қолинган ҳолда унга уч йил муддатга ахлоқ тузатиш ишлари жазоси тайинланди.
Албатта, бу каби қонунбузарларга нисбатан кўрилаётган чоралар ўз самарасини бериши аниқ. Бироқ уларнинг фаолиятига барҳам беришда нафақат ҳуқуқни муҳофаза қилувчи органлар ходимлари, балки фуқароларнинг фаол иштироки ҳам муҳим аҳамият касб этишини унутмаслик лозим, дейилади хабарда.
