Россия Федерацияси ўз таркибига Украинанинг жануби-шарқий вилоятларини қўшиб олиш ниятида эмас, чунки бу мамлакат манфаатларига зиддир. Буни 11 апрель куни «Россия 1» телеканали эфирида Россия ташқи ишлар вазири Сергей Лавров маълум қилди.
Бунда вазир Украина ҳукумати ҳудудларга кўпроқ ваколат бериш ҳақидаги ва бошқа, хусусан, конституцион ислоҳотлар ўтказиш тўғрисидаги ва’даларини бажаришига умид билдирди.
Шунингдек, Лавров Украинанинг бу вилоятларида Россиянинг жосуслари ва ҳарбийлари мавжудлиги ҳақидаги гап-сўзларни рад этди, деб ёзади «Интерфакс» ахборот агентлиги.
Бундан ташқари, ташқи ишлар вазирининг сўзларига кўра, Россия ҳукумати Украинага тинчликпарвар кучларни киритиш зарурати йўқ, деб ҳисоблайди. «Тинчликпарвар кучларни киритиш, БМТ Хавфсизлик кенгашининг қандайдир қарорлари ҳақида сўз бориши керак эмас, деб ўйлайман», – дея таъкидлади Лавров. Унинг фикрича, Украина ҳукумати билан халқи орасида ўзаро мулоқот бошланиши Россия учун муҳимроқдир.
Изоҳ (0)