Nokia компанияси кнопкали янги Nokia 225 моделини тақдим этди. Бу модел сенсорли бўлмаган телефонлар ичида энг каттасига айланди, деб ёзади Mobinfo.uz. Янги телефон 320×240 пикселли, 2,8 дюймли дисплейга эга бўлиб, оғирлиги 100 граммни ташкил этади. Корпусининг қалинлиги эса 10,4 миллиметрдан иборат.
Телефон видеога тушира оладиган 2 Мегапикселли камера ва Bluetooth'га эга. 32 Гигабайтгача бўлган microSD хотира картаси учун мўлжалланган слот, FM-приёмник ва олдиндан ўрнатилган дастурлар (Nokia Xpress Browser, Facebook ҳамда Twitter) тўпламига эга.
Nokia 225 мобил телефони ишлаб чиқарувчисининг ишонтиришича, янги моделга кутиш режимида 36 кун, сўзлашиш режимида 21 соат ва мусиқа тинглаганда эса 49 соат ишлаш имконига эга батарея ўрнатилган.
Янги телефон қизил, яшил, сариқ, қора ва оқ рангли корпусларда бўлади. Хабарда айтилишича, телефоннинг икки SIM-картали версияси ҳам чиқарилади. Телефон нархи қарийб 40 еврони ташкил этади.
Изоҳ (0)