Тошкентда бўлиб ўтган матбуот анжуманида «Ўзбекэнерго» ДАК вакиллари маълум қилишича, компания 2014 йилда 750 миллион доллар миқдоридаги капитал маблағларни ўзлаштириш ва олтита лойиҳа бўйича ишларни тугатишни режалаштирмоқда. Бу ҳақда «Жаҳон» АА хабар берди.
Инвестицион фаолияти чоғида «Ўзбекэнерго» ДАК электр станциялари ва электр тармоқларини модернизациялаш ва реконструкция қилиш билан шуғулланади. Бундан мақсад энергия тизими ишини барқарорлаштириш ва мамлакат электр энергиясининг экспорт салоҳиятини оширишдан иборат.
Айни пайтда компания Талимаржон ИЭС, Навоий ИЭСни кенгайтириш, Наманган вилояти Тўрақўрғон туманида иссиқлик электр станцияси ва Самарқанд вилоятида қуёш фотоэлектр станцияси қуриш бўйича лойиҳаларни амалга ошириш устида ишламоқда.
Изоҳ (0)