Ўзбекистоннинг монопол мис ишлаб чиқарувчиси бўлмиш «Олмалиқ кон-металлургия комбинати» ОАЖ Қашқадарё вилоятидаги Кўлдара майдонида мис-рух конларини қидиришга киришди. Бу ҳақда «Новый век» нашри «РИА Новости»га таяниб хабар берди.
Геология-қидирув ва илмий изланишлар икки йил давом этиб, 2016 йилнинг учинчи чорагида якунланади. Бундан мақсад фойдали қазилмаларни бойитиш мажмуасининг (ФҚБМ) хомашё базасини кенгайтиришдан иборат.
2011 йилнинг январида ОКМК йилига 650 минг тонна руда ишлаб чиқариш қувватига эга 147 миллион долларлик ФҚБМни ишга туширди.
«Олмалиқ КМК» ОАЖ ўз ишлаб чиқариш қуввати билан Ўзбекистон Республикасининг Тошкент, Жиззах, Наманган ва Сурхондарё вилоятлари ҳудудларида жойлашган мис-молибден, қўрғошин-рух ва олтин-кумуш конлари гуруҳлари захираларида макон топган жаҳон миқёсидаги етакчи ишлаб чиқарувчи ҳисобланади.
Изоҳ (0)