Шимолий Корея етакчиси Ким Чен Иннинг мансабдорларни қатл қилиш жараёнида шахсан иштирок этаётгани ҳақидаги хабарлар Жанубий Корея ОАВ вакилларининг уйдирмаларидан бошқа нарса эмас, деб ҳисоблайди Россия Фанлар академиясининг Узоқ Шарқ Институти етакчи илмий ходими Константин Асмолов. Бу ҳақда «РИА Новости» хабар берди.
Аввалроқ, дунё ОАВ вакиллари Жанубий Кореянинг «Чосон Ильбо» нашри тарқатган маълумотга асосланиб, Ким Чен Ин мамлакат жамоат хавфсизлиги вазири ўринбосари О Сон Хонни ўтсочар қурол – огнемёт орқали ёндириб юборганини хабар қилган эди. Бундай шафқатсиз жазонинг қўлланилиш сабаби — ўз лавозимини суиистеъмол қилгани ва собиқ Давлат мудофаа қўмитаси раиси Чан Сон Тхекка ёрдам бергани деб кўрсатилган.
«‘Чосон Ильбо’да келтирилган хабарда фақатгина, «манбаларнинг маълумотига кўра» деб ёзилган. Бироқ айнан қайси манбада келтирилгани айтилмаган. Шунга мувофиқ, рус журналистлари инглиз тилини етарли даражада билмагани учун мазкур жумлани Ким Чен Ин «шахсан ёқиб юборди», деб таржима қилган», — дейди мутахассис.
Изоҳ (0)