Ўзбекистон Республикаси Қуролли кучлари давлат музейида «Амир Темур ва темурийлар тарихига оид билимлар билимдони» мавзусида брейн-ринг мусобақаси ўтказилди.
Мусобақада Тошкент Олий умумқўшин қўмондонлик билим юрти, Чирчиқ Олий танк қўмондонлик-муҳандислик билим юрти, Ахборот технологиялари университети Махсус факультети ҳамда Тошкент тиббиёт академияси ҳузуридаги ҳарбий-тиббиёт факультети курсант ва офицерлари иштирок этди.
Беллашув натижаларига кўра, Ахборот технологиялари университети Махсус факультетининг «Лочинлар» жамоаси биринчи ўринни қўлга киритди. Ғолиблар Амир Темур бюсти, диплом ва Қуролли кучлар тарихи китоби билан тақдирланди.
Таъкидлаш жоиз, брейн-ринг баҳси Соҳибқирон Амир Темур ва темурийзодаларнинг жанг санъатини, уларнинг саркардалик маҳоратларини, ватани ва халқига муносабатини ўрганиш орқали ҳарбий хизматчиларни ўзига, билимига бўлган ишончини, миллий ғурурини, мустақиллик ғояларига садоқатини ошириш, шунингдек, ватанпарварлик, ҳарбий қасамёдига содиқлик руҳида тарбиялаш мақсадида ташкил қилинди.
Изоҳ (0)