2014 йилнинг 27 мартидан 3 апрелига қадар Чехиянинг Прага шаҳрида бўлиб ўтган «Праганинг мўъжизавий юлдузлари» VI анъанавий халқаро болалар ижодиёти кўрик-танловида Чирчиқ шаҳридаги 7-болалар мусиқа ва санъат мактаби ўқувчилари муваффақиятли иштирок этиб, бош мукофот ва биринчи ўрин соҳиблари бўлди. Бу ҳақда ЎзА хабар берди.
Прагада ўтган халқаро танловда 30 дан ортиқ давлатдан ўқувчи-ёшлар турли йўналишларда ўз истеъдодини намойиш этди.
Чирчиқ шаҳридаги 7-болалар мусиқа ва санъат мактабининг 2-синф ўқувчиси Темур Мираҳмедов фортепиано ижрочилиги бўйича танловнинг бош мукофотига сазовор бўлди. Айни пайтда мазкур мактаб ўқувчилари Севинч Мирғуломова, Асадбек Мадиёров, Элеонора Абдураҳмонова, Елена Гурчина, Рауан Сафаралиев болалар либослари намойиши, халқ амалий санъати, флейта ижрочилиги, хореография каби йўналишларда биринчи ўринга лойиқ топилди.
Изоҳ (0)