Россиянинг «Аргументы и факты» газетаси Амир Темур таваллудига бағишлаб мақола чоп этди. Унда Соҳибқироннинг ҳаёти ва фаолияти билан боғлиқ 12 факт келтирилди.
Улардан биринчиси Темурнинг ҳақиқий исми ҳақидаги маълумотдан иборат. Темур ибн Тарағай Барлос турли форс манбаларида Темурланг деб ҳам аталган. «Темурланг» яъни «чўлоқ Темур» унга душманлари томонидан берилган номдир.
Бундан ташқари, Соҳибқироннинг жисмонан соғлом ва бақувват бўлгани, Қозонхоннинг қизи Сароймулкхонимга уйлангач, «хон» унвонини қўлга киритгани, 1362 йилда мўғулларга қарши жангда қаттиқ яраланиб, бир умрга чўлоқ бўлиб қолгани ҳақида тарихий маълумотлар келтирилган.
Шунингдек, Амир Темур 1395 йилда биринчи ва сўнгги марта рус ерларида бўлгани таъкидланган. Мақола сўнгида Темурланг қабри билан боғлиқ афсоналарга ҳам тўхталиб ўтилган.
Изоҳ (0)