12 апрель куни соат 17:00 да Тошкентдаги «Туркистон» саройининг ёзги майдонида Samsung Electronics компанияси янги Galaxy S5 флагман смартфонини тақдим этади. Бу ҳақда Samsung компанияси матбуот хизмати хабар берди.
Samsung Galaxy S5 смартфони тақдимотида компания вакиллари ташриф буюрувчиларга янги телефоннинг хусусиятлари ва технологик афзалликлари ҳақида батафсил маълумот беради. Тақдимотда Experience Zone мавжуд бўлиб, унда ташриф буюрувчилар нафақат Galaxy S5, балки Gear Fit ва Gear 2 ақлли соатлари билан ҳам танишиш ва улардан фойдаланиб кўриш имкониятига эга бўлади.
Тақдимот чиптасининг орқасида талон мавжуд бўлиб, уни тўлдириш учун Experience Zone’нинг барча бўлимларига ташриф буюриш лозим. Намойиш бўлимлари (Demo Zone) да ўйин кўринишидаги таништирувлар бошланади.
Ҳар бир пунктда маълум янги функсияга тегишли маълумотлар берилади (совғалар ҳам бор). Талонларига ҳамма пунктда муҳр қўйдирган иштирокчилар лотереяда қатнашади. Энг омадли иштирокчи ўша куни Samsung Galaxy S5 смартфонини ютиб олади. Бундан ташқари, ташкилотчилар томонидан бошқа махсус совғалар ҳам тайёрланган.
Маросимда таниқли хонандалар иштирокида концерт ҳам ўтказилади. Шу жумладан, Россиянинг таниқли хонандаси Вера Брежнева ўзининг Ўзбекистондаги илк концертини тақдим этади.
Шунингдек, ўзбек эстрадаси вакиллари: Муниса Ризаева, Лола, «Иллюзион» гуруҳи, DJ Пилигрим, DJ Очил, DJ Петишка ва бошқалар ўзларининг ижод намуналарини тадбир меҳмонларига ҳавола этади. Тадбирда иккита DJ battle ва рақс battle (баҳс)лари ташкил этилади.
Эслатиб ўтамиз, таклифномалар ижтимоий тармоқлар (Facebook, Twitter, Instagram, «Одноклассники»)даги акцияларда қатнашганларга бепул тақдим этилди.
Таъкидлаш жоиз, янги Samsung Galaxy S5 мукаммалашган камера, маълумотларни юқори тезликда етказиш имконияти, кенг қамровли фитнес-дастурлар танлови ва ишончли ҳимояга эга. Унинг аввалги Galaxy’лардан фарқи 16 мегапикселли камера, S Health 3.0 хизмати (қадамўлчагич, парҳез, жисмоний машқларни қайд этиш ва энг янгиси — пулс датчиги), IP67 стандартлари бўйича ҳимоя воситаси (чанг, намлик, қум ва ҳатто, сувдан ҳам ҳимояланган), бармоқ излари биометрик сканери ва замонавий ташқи кўринишга эга эканлигидадир.
Samsung Galaxy S5 ҳақидаги батафсил маълумотни тақдимотга ташриф буюриб олишингиз мумкин.
Изоҳ (0)