Twitter’даги фойдаланувчилар профили Facebook’никига ўхшаш бўлиб қолди

Twitter микроблоглар сервисининг веб-версиясида фойдаланувчилар ҳақида кўпроқ маълумотни ифода этувчи янги дизайн пайдо бўлди. Бу ҳақда TJournal хабар берди.

Янги дизайнда фойдаланувчи профили янада каттароқ ҳажмга эга бўлиб, энди муштарийлар унинг энг яхши «твит»ларини кўриши мумкин. Аккаунт эгаси ўзининг маълум бир «твит»ини энг юқорига «осиб» қўйиши мумкин. Янгиликлар тасмасини уч хил вариантда кўриш имконияти мавжуд: фақат твитлар, фото ва видеоли ёзувлар ҳамда бошқа фойдаланувчиларнинг жавобларини ҳам ўз ичига олган барча «твит»лар.

Twitter профилларининг янги кўриниши бир неча ҳафта ичида барча фойдаланувчилар аккаунтида акс этади.

Эслатиб ўтамиз, яқинда баъзи фойдаланувчиларда профил кўриниши ва «ретвит» тугмаси ўзгариб қолган, шунингдек, Twitter’нинг iOS ва Android дастурида ҳар бир твит неча марта кўрилгани акс эта бошлаган эди.