Samsung компанияси Galaxy S5 смартфони ҳақида салбий фикр билдириб мақола ёзгани учун Electronic Times газетасига жарима солишни талаб қилди. Бу ҳақда TJournal хабар берди.
Samsung’нинг даъвоси Galaxy S5 камерасидаги муаммолар ҳақида ёзилган мақола билан боғлиқ. Бунинг учун газетадан 300 миллион Жанубий Корея вони (тахминан 284 минг доллар) тўлашни талаб қилди.
Samsung’нинг таъкидлашича, газета «фактчекинг» (маълумотнинг тўғри-нотўғрилигини текшириш) қилмасдан туриб, смартфон ҳақида нотўғри маълумот бериб юборган. Уни дунёнинг бошқа ОАВлари ҳам «илиб» олиб, натижада хабар тарқалиб кетиши ва Samsung’нинг обрўйига путур етиб, Galaxy S5 смартфонлари савдоси тушиб кетиши компанияни хавотирга солган.Газета вакиллари эса мухбирларнинг маълумотни текшираётганини, бироқ мақола «фактларга асосланиб» ёзилгани, «ёлғон хабар эмас»лигини таъкидламоқда.
Изоҳ (0)