Тошкентдаги «Жар» спорт-соғломлаштириш мажмуасида каратэ бўйича Ўзбекистон чемпионати якунланди. Бу ҳақда ЎзА хабар берди.
Ўзбекистон шарқ яккакурашлари ва жанг санъатларини ривожлантириш маркази, Каратэ миллий федерацияси томонидан ташкил этилган мусобақада 1500 нафарга яқин спортчи ғолиблик учун куч синашди.
Чемпионатнинг кумитэ баҳсларида Рустам Ашуров, Ғофир Зоҳидов, Жамшид Сайфутдинов, Самар Ҳамроев, Абдулла Абдуваҳобов, Муҳаммадзоид Иминов, Муҳаммадрасул Маҳмудов, Сардор Файзуллаев, Аҳрор Низомбоев, Азиз Азизов, Садриддин Сайматов ва Шаҳбоз Аҳадов сингари спортчилар ўз вазн тоифасида барча рақибини мағлубиятга учратиб, шоҳсупанинг энг юқори поғонасидан жой олди.
Қизлар баҳсида Ҳилола Бадалова, Замира Алиева, Зуҳра Қурбонова, Барно Мирзаева ва Баҳринисо Бобоева каби спортчилар мамлакат чемпионлигини қўлга киритди.
Мусобақада ғолиб бўлган спортчиларнинг энг саралари терма жамоа таркибида жорий йил Жанубий Кореянинг Инчеон шаҳрида бўлиб ўтадиган Осиё ўйинларида иштирок этади.
Изоҳ (0)