Хитойнинг Haixun 01 қидирув кемаси томонидан аниқланган радиосигнал Малайзиянинг йўқолган «Боинг»ига тегишли эмас, дея хабар бермоқда Хитойнинг «Синьхуа» давлат ахборот агентлиги.
Бу ҳақда 5 апрель, шанба куни Хитой Денгиз қидирув ва қутқарув маркази маълум қилди. «Ҳинд океани сувларида аниқланган сигнал самолёт қора қутисига тегишли бўлиб чиқмади», – дейилади ташкилот баёнотида.
Аввалроқ, хитойлик қутқарувчилар Ҳинд океанида импулсли сигнални тутишгани, ушбу сигнал март ойида йўқолган Boeing 777-200 самолётига тегишли бўлиши эҳтимоли мавжудлиги ҳақида хабарлар тарқатилган эди, деб ёзади «Кун» нашри.
Аниқланган сигналнинг частотаси 37,5 килогерцга тенг бўлиб, самолётларнинг қора қутилари айнан шу частотада сигнал узатади. Haixun 01 мутахассислари томонидан айнан қандай қурилма топилганига аниқлик киритилмаган.
Эслатиб ўтамиз, Куала-Лумпур–Пекин йўналиши бўйлаб MH370 рейсини амалга ошираётган Malaysia Airlines авиакомпаниясининг Boeing 777-200 самолёти 8 мартга ўтар кечаси радарлардан йўқолган эди. Самолёт бортида 239 киши бўлган.
Изоҳ (0)