Гиёҳванд моддалар савдоси билан шуғуллангани учун Британия қамоқхонасида жазо муддатини ўтаётган 22 ёшли Кэлам Фостер қамоқхона маъмуриятини судга бермоқчи бўлди. Бу ҳақда Daily Mail хабар берди.
Маҳбуснинг таъкидлашича, у ухлаётганида бир ярим метрли юқори койкадан думалаб тушган ва камеранинг бетон ерига боши, бўйни ва бели билан урилган. Натижада бошидан қаттиқ зарб еган. Шундай бўлса-да, уйғониб кетмаган, йиқилиб тушгани ҳақида камерадошидан эшитган.
Фостер далил сифатида пешонасидаги ғуррани кўрсатган. Бироқ суд тиббий ҳужжатларни текшириб чиқиб, ғурранинг ўтган йил апрелида — Фостер қуролли ҳужумда айбланиб қўлга олинганида бўлганини аниқлади. Ўша воқеадан бир неча ой ўтиб, Фостер бошқа айблов билан яна қамоқхонага қайтган. Бу гал унга гиёҳванд моддалар сотгани учун уч йил жазо тайинланган. Қамоқхонада ҳуқуқшунослик бўйича журнал қўлига тушиб қолгач, унда колониядан суд орқали олти минг фунт стерлинг ундириб олиш ғояси пайдо бўлади. Бироқ энди у томонларнинг суд харажатлари учун 35 минг фунт стерлинг товон тўлаши керак.
Изоҳ (0)