Тошкентдаги «Ўзекспомарказ» мажмуасида «Озиқ-овқат саноати — WорлдФоод Узбекистан—2014» ва «Қишлоқ хўжалиги – АгроWорлд Узбекистан—2014» халқаро кўргазмалари очилди. ЎзАнинг маълум қилишича, кўргазмалар Ўзбекистон Республикаси Қишлоқ ва сув хўжалиги вазирлиги, Ташқи иқтисодий алоқалар, инвестициялар ва савдо вазирлиги, Фермерлар кенгаши, Савдо-саноат палатаси ва ИТЕ Узбекистан халқаро кўргазма компанияси томонидан ташкил этилди.
Ўн тўртинчи бор ўтказилаётган WорлдФоод Узбекистан—2014 озиқ-овқат саноати ва тўққизинчи АгроWорлд Узбекистан—2014 қишлоқ хўжалиги халқаро кўргазмаларида Хитой, Корея Республикаси, Австрия, Белгия, Болгария, Германия, Испания, Италия, Қозоғистон, Латвия, Малайзия, Бирлашган Араб Амирликлари, Полша, Россия, Руминия, Словакия каби 22 мамлакатдан 150 дан зиёд компания иштирок этмоқда.
WорлдФоод Узбекистан—2014 халқаро кўргазмасида Белгиянинг ВЛАМ, Фреш Фром Белгиум, Кипcо-Дамаcо, Глаcио ва бошқа компаниялари кенг турдаги гўшт ва сут, денгиз маҳсулотлари, мева-сабзавотларни намойиш этмоқда. Турли салқин ичимликлар, иммунитетни мустаҳкамлайдиган биологик фаол қўшимчалар намойиш этилган Жанубий Корея компаниялари стендлари ҳам бу ерга ташриф буюрганлар эътиборини тортди.
– Биз WорлдФоод Узбекистан кўргазмасида илк бор қатнашмоқдамиз, – дейди Суннуц компаниясининг хорижий савдо бўйича менежери Ин Юнг Бей (Корея Республикаси). – Кўргазманинг дастлабки кунида ўзбекистонлик ҳамкорлар билан алоқа ўрнатдик ва шартномаларни расмийлаштиришни режалаштирмоқдамиз. Экспозициялар юқори савияда ташкил этилган.
Бу ерга келганлар озиқ-овқат маҳсулотлари, уларни ишлаб чиқариш, қайта ишлаш ва экспертизадан ўтказиш ускуналари, ичимликларни қуйиш ва қадоқлаш технологиялари билан танишди. Масалан, ушбу тадбирда мунтазам қатнашиб келаётган Германия компаниялари гуруҳи гўштни қайта ишлаш, нон ёпиш ва музлатгич ускуналарини намойиш этмоқда.
– Ушбу кўргазмалар Ўзбекистонда озиқ-овқат саноати изчил ривожланиб бораётганидан далолат беради, – дейди ПЕТКУС Течнологиэ Гмбҳ компаниясининг савдо бўйича бошқарувчиси Федор Франс (Германия). – Ўзбекистон иқтисодиёти катта салоҳиятга эга ва бу ўзаро манфаатли ҳамкорлик учун кенг имкониятлар яратади. Компаниямиз ғаллани қайта ишлаш билан шуғулланади ва мазкур кўргазмадаги иштирокимиз натижасида ўзбекистонлик ҳамкорлар билан кўплаб шартномалар тузиш имконига эга бўлдик. Бундан кейин ҳам ушбу соҳада ҳамкорликни кенгайтириш ниятидамиз.
Ўзбекистон озиқ-овқат саноати вакилларининг маҳсулотлари ҳам ҳар йилгидек экспозицияларда кенг майдонни эгаллаган. Салқин ичимликлар, озиқ-овқат маҳсулотлари ва уларнинг қўшимчаларини ишлаб чиқарадиган «Меҳригиё», «Топ Стар Фоод», «Гоод Фоод Гроуп», «Cарлсберг Узбекистан», «Арома Классик», «Агро Браво» корхоналари шулар жумласидандир. Улар кенг турдаги колбаса, сут маҳсулотлари, турли чой навлари, вафли, печене, пряник, шоколод, конфет ва бошқа қандолат маҳсулотларини намойиш этмоқда. «Матимех Восток», «Холод систем сервис», «Энгинееринг Солутионс», «Салар Барака» ва бошқа корхоналар стендларида озиқ-овқат маҳсулотларини ишлаб чиқариш ҳамда сақлаш ускуналари тақдим қилинган.
АгроWорлд Узбекистан—2014 қишлоқ хўжалиги халқаро кўргазмасида Европа компаниялари ҳам фаол иштирок этмоқда. Улар ерга ишлов бериш, қишлоқ хўжалиги экинларини экиш ва парвариш қилиш, сабзавот ва зираворларни териб олиш учун мўлжалланган қишлоқ хўжалиги техникаси, ғилдиракли тракторлар, ихчам агрегатлар, озуқа ўриш техникасини намойиш қилмоқда.
Мисол учун, кўргазмада илк бор қатнашаётган Италия компаниялари ерга ишлов бериш ва боғдорчиликка мўлжалланган қишлоқ хўжалиги техникаси, пластик қопламали юқори технологик исссиқхоналар ва бошқа маҳсулотларни тақдим қилди.
Мамлакатимиз ва чет эллик ишлаб чиқарувчилар Ўзбекистон қишлоқ хўжалигида сувдан фойдаланиш бўйича замонавий юқори технологияларни жорий қилиш борасида кенг кўламли ишлар амалга оширилаётганини инобатга олган ҳолда, ушбу соҳадаги энг сўнгги ишланмаларни намойиш этмоқда. Масалан, Шўртан газ-кимё мажмуасига қарашли «Полипропилен қувурлар» шўба корхонаси полипропилен қувур ва фитинглар, экинларни томчилатиб суғориш учун беркитиш-ростлаш арматураларини намойиш қилмоқда. Хитойнинг Лутиан Мачинерй компанияси вакиллари тадбир иштирокчиларини сув чиқариш насослари билан таништирди. Ушбу суғориш технологиялари халқаро кўргазмага келган фермерларда катта қизиқиш уйғотмоқда.
Қишлоқ хўжалиги техникаси, иссиқхона ва ўсимликларни ҳимоя қилиш воситаларини ишлаб чиқарадиган корхоналар орасида илк бор иштирок этаётганлари ҳам анчагина. Масалан, Пас Реформ (Нидерландия) компанияси инкубация технологиялари соҳасидаги энг сўнгги ишланмаларини тақдим этаётган бўлса, Германиянинг Биг Дутчман компанияси кенг турдаги паррандачилик ускуналарини намойиш қилмоқда.
– Ўзбекистонда қишлоқ хўжалигининг жадал ривожланиб бораётгани ва мамлакатингиз бозори катта истиқболга эга экани таҳсинга сазовордир, – дейди Принзен БВ компаниясининг савдо бўйича менежери Эдвин Ваагс (Нидерландия). – Хусусан, Ўзбекистоннинг паррандачилик соҳасидаги катта салоҳиятини инобатга олиб, товуқ тухумларини инкубаторда очириш, жойлаштириш ва қадоқлаш технологиясини тақдим этдик. Ҳамкорлик қилиш учун бир қанча таклифлар олдик. Жумладан, маҳсулотимиз фермер хўжаликлари вакилларида катта қизиқиш уйғотмоқда.
Изоҳ (0)