3 апрел куни Ташқи иқтисодий алоқалар, инвестициялар ва савдо вазирлигида Швейсария Конфедерациясининг Ўзбекистон Республикасидаги Фавқулодда ва мухтор элчиси Николя Брюл билан учрашув бўлиб ўтди. Бу ҳақда вазирлик расмий сайти хабар берди.
Суҳбат давомида икки мамлакат ўртасидаги савдо-иқтисодий, инвестицион ҳамда молиявий-техник ҳамкорликни кенгайтиришнинг истиқболлари муҳокама қилинди.
Асосий эътибор озиқ-овқат ва кондитер маҳсулотларини ишлаб чиқариш, мева-сабзавотларни чуқур қайта ишлаш, дори-дармонлар, шунингдек, боғдорчилик, ўсимликшунослик ва узумчилик соҳаларига тегишли бўлган аниқ лойиҳаларни амалга оширишга қаратилди.
Вазирликда апрел ойининг сўнгида молиявий-техник соҳа бўйича ҳамкорликнинг янги йўналишларини муҳокама қилиш мақсадида давра суҳбати ўтказишга келишиб олинди.
Шунингдек, ўзбек томони Швейсария вакилларини Тошкентда 2014-йилнинг 5—6 июн кунлари «Ўзбекистонда озиқ-овқат дастурларини амалга оширишнинг муҳим йўналишлари» мавзусида бўлиб ўтадиган Халқаро конференсияда иштирок этишга таклиф қилди.
Изоҳ (0)