Ўзбекистон Ёзувчилар уюшмасида «Озод Ватан саодати» деб номланган беш жилдлик Мустақиллик адабиёти антологияси тақдимоти бўлиб ўтди. Бу ҳақда ЎзА хабар берди.
Ёзувчилар уюшмасининг «Адиб» нашриёти «Истиқлол илҳомлари» рукнида «Озод Ватан саодати» деб номланган беш жилддан иборат мажмуа нашрдан чиқди.
Ушбу китоблар шеърият, наср, драматургия, бадиий публицистика, адабиёцҳунослик каби бешта жанрдаги ижод намуналаридан иборат бўлиб, уларда ўзбек адибларининг истиқлол йилларида ёзган энг сара асарлари жамланган. Бу тўпламлардан замонавий ўзбек адабиётининг йирик намояндалари билан бирга навқирон авлод вакиллари ҳамда мамлакатнинг турли ҳудудларида истиқомат қилаётган қалам соҳибларининг ижод намуналари ўрин эгаллаган. Мажмуага киритилган 230 нафардан ортиқ ижодкорнинг асарлари билан танишган китобхон бугунги ўзбек адабиётининг манзарасини тўлиқ тасаввур этиши шубҳасиз, — дейилади хабарда.
Изоҳ (0)