Аввал хабар қилганимиздек, 22—30 март кунлари Навоий вилоятида «Саломатлик» анъанавий поезди иш олиб борди. «Дўстлик байроғи» газетасининг хабар беришича, пойтахтдан ташриф буюрган шифокорлар билан биргаликда, навоийлик тиббиёт ходимлари ҳам 1937 нафар катталар ва болаларни тиббий кўрикдан ўтказди.
664 хотин-қиз, 18 ногирон ва 80 нафақахўр кўрик билан бирга зарурий консултацияларга эга бўлди. Олис қишлоқ жойларнинг 805 нафар аҳолиси ултратовушли текширувдан, 348 нафари электрокардиография текширувидан ўтди.
Бундан ташқари, кам таъминланган оилаларга дори-дармон, кийим-кечак, гигиена воситалари, озиқ-овқат маҳсулотлари кўринишида гуманитар ёрдам берилди. Бундай кўмак «Соғлом авлод учун» Навоий вилоят жамғармаси томонидан 2600 кишига тақдим этилди.
Поезд ишида вилоятдаги 46 ташкилот, шу жумладан, «Маҳалла» жамғармаси, Хотин-қизлар қўмитаси, интернатлар иштирок этди.
Изоҳ (0)