Тошкент метрополитени вагонларига кузатув камераларини ўрнатиш бошланди. Бу борадаги ишлар 2014-йил мартида бошланган, деб хабар бермоқда «Кун».
Хусусан, 2 апрел куни метрополитеннинг «Юнусобод» йўналишида ҳаракатланаётган 8956, 8323, 8324 ва 8957 сонли вагонлардан ташкил топган ҳаракатланувчи таркиб кузатув камералари билан таъминланган. Ҳар бир вагонга ўрнатилган камида учтадан камера бутун вагон ичи ва ундаги йўловчилар хулқини кузатиш имконини беради.
Тошкент метрополитени раҳбарияти вагонлар ичига кузатув камераларини ўрнатишни режалаштираётганини 2012-йил июн ойида маълум қилган. Бу метрополитенда хавфсизликни таъминлаш доирасидаги чоралардан биридир. Босқичма-босқич метронинг барча вагонлари кузатув видеокамералари билан таъминланади.
Таъкидлаш жоиз, 2012-йилда Тошкент метрополитенининг барча бекатлари кузатув камералари билан тўлиқ таъминланган эди.
Маълумот учун: Хавфсизликни таъминлаш мақсадида вагон ичига кузатув камераларини ўрнатиш бўйича Тошкент Ню-Ёркдан тортиб Москвага қадар — жаҳон метрополитенлари тажрибасидан ўрнак олди.
Изоҳ (0)