АҚШ Конгрессининг вакиллар палатаси 1 апрел куни Украинага ёрдам кўрсатиш тўғрисида қонун қабул қилди. Ҳужжатда, хусусан, Киев ҳукуматига 1 миллиард доллар миқдорида кредит ҳамда 150 миллион доллар миқдорида ёрдам ажратиш назарда тутилган, деб ёзади «ИТАР-ТАСС».
Бундан ташқари, қонун АҚШ ҳукуматига Қримни қўшиб олганлиги учун Россияга нисбатан санксия жорий этиш имконини очиб беради. Унга кўра, Украинада инсон ҳуқуқлари ҳамда унинг мустақиллиги бузилишига дахлдор бўлган Россия ва Украина фуқароларига визалар беришга тақиқ қўйиш ва уларнинг банк ҳисобларини музлатиб қўйиш мумкин.
Қонун лойиҳаси кўпчилик овоз билан қабул қилинди: уни ма’қуллаб 378 нафар конгрессмен овоз берди. Атиги 34 нафар конгрессмен унга қарши овоз берди, деб ёзади Реутерс.
Аввалроқ қонун лойиҳаси юқори палата – сенат томонидан тасдиқланган эди. Энди уни президент имзолаши учун ҳужжат Оқ уйга юборилади.
Изоҳ (0)