«Соғлом бола йили» Давлат дастурига мувофиқ юртимизнинг барча ҳудудларида ижтимоий ҳимояга муҳтож оилалар, боқувчисини йўқотган, ногирон болалар ҳолидан хабар олиш, уларни қўллаб-қувватлаш бўйича кенг кўламли ишлар амалга оширилмоқда. Бу ҳақда ЎзА хабар берди.
Тошкентнинг Ҳамза туманидаги «Тузел» маҳалла фуқаролар йиғинида истиқомат қилувчи имконияти чекланган оилаларнинг олти нафар фарзандига суннат тўйи ўтказилди.
– Маҳалламизда 7 200 нафардан ортиқ аҳоли истиқомат қилади, – дейди маҳалла фуқаролар йиғини раиси Эргаш Алимов. – Ёшларнинг бўш вақтини мазмунли ўтказиш, улар учун иш ўринлари барпо этиш, жисмоний тарбия ва спортга жалб қилиш доимий эътиборимизда.
Тадбирда болаларга ҳомийларнинг совғалари улашилди. Ёш спортчиларнинг чиқишлари, санъаткорлар ижросидаги куй-қўшиқлар барчага кўтаринкилик бахш этди.
Изоҳ (0)