Ўзбекистон Республикаси прокуратура органлари вакилларидан иборат делегация Австрия суд-ҳуқуқ тизими билан танишиш мақсадида Вена шаҳрига ташриф буюрди. Бу ҳақда УзРепорт хабар берди.
Бу ташриф Европа Иттифоқининг «Ўзбекистонда суд-ҳуқуқ тизимини ислоҳ қилишга кўмаклашиш» лойиҳаси доирасида ташкил этилди.
Ўзбекистон Республикаси Ташқи ишлар вазирлиги ҳузуридаги «Жаҳон» ахборот агентлиги маълумотларига кўра, сафар чоғида делегация аъзолари Вена жиноий ишлар бўйича суди, Австрия иқтисодий жиноятлар ва коррупсияга қарши курашга ихтисослашган прокуратураси, Жиноят прокуратураси ҳамда Ички ишлар вазирлиги вакиллари билан учрашувлар ўтказиб, Австрия суд органлари фаолияти билан боғлиқ амалий тадбирларда иштирок этди.
Учрашувлар давомида жиноий суд ишларини юритиш юзасидан ўзаро фикр ва тажриба алмашилди. Ўзбекистон делегацияси Австрия томони эътиборига республикада давлатимиз суд-ҳуқуқ тизимини такомиллаштириш ҳамда мамлакатда демократик ислоҳотларни янада чуқурлаштириш ва фуқаролик жамиятини ривожлантириш консепсиясининг асосий мазмуни ҳақидаги маълумотларни тақдим этди.
Изоҳ (0)