Хонанда Масрур Усмоновнинг янги қўшиғи мухлислар эътиборига ҳавола қилинди. «Попcорн.уз»нинг хабар беришича, 31 мартда «Ўзбегим Таронаси» радиосининг «Премера» лойиҳасида хонанданинг «Биринчи муҳаббатим» таронаси илк марта янгради.
Қўшиқнинг матн ва мусиқа муаллифи Масрур Усмоновнинг ўзи. Хонанданинг айтишича, бу тарона шахсан ўзининг муаллифлиги остида тайёрланган бешинчи ижод намунаси экан. Аранжировка эса Раҳматжон Нормуродов томонидан тайёрланган.
Масрур Усмонов яна бир янгиликни ҳам маълум қилди. Мазкур таронага видеоклип суратга олиш ишлари якунланган. Масрур Усмоновнинг айтишича, янги видео «Ёдингдами?» видеоклипининг мантиқий давоми сифатида тайёрланган.
Дурдона Тўлаганова ғояси асосида Жонрид Сагдиев суратга олган бу видеоклипда ҳам машҳур актёр Ўлмас Алихўжаев иштирок этди. Видеоклип миллий руҳда тайёрланиб, унда ўзбек халқининг миллий турмуш тарзи ифодаланган.
Изоҳ (0)