Американинг Висконсин штатида яшовчи қиз йигитининг Nissan 350Z спорткарида собиқ йигити билан сайр қилган ва автоҳалокатга учраган. «Korrespondent.net»нинг ёзишича, ушбу воқеадан кейин қиз машина эгасининг телефон қўнғироқларига жавоб бермаган.
Маълум бўлишича, Остен Греб илк учрашувда 22 яшар ёқтирган қизи уйга етиб олиши учун оқ спорт машинасини бериб турган. Лекин қиз спорткарни миниб собиқ йигитининг ёнига борган. Ўша куннинг ўзида қиз бошқарувни йўқотган ва машина бетонга бориб урилган. Ушбу воқеадан кейин қиз Гребга, машинасини уриб олганини ёзиб юборган ва телефонини ўчириб қўйган.
Остен, Nissan русумли машинаси қаерда эканлигини билиш учун бир неча полиция идорасига қўнғироқ қилган. Воқеа жойига келгач эса спорткарнинг олд қисми бутунлай пачоқ бўлгани, салон ичи қон ва янги танишининг тиши синганига гувоҳ бўлган.
«Полиция ходимларидан машинамда қандайдир эркак бўлгани ҳақида хабар топдим», — деган Греб. Машинасини таъмирдан чиқариш учун унга 8 минг доллар кераклигини қўшимча қилган йигит, айбдор қиздан умид ҳам қилмай ўша заҳоти муносабатларига нуқта қўйган ва GoFoundMe хайрия платформасида пул йиғиш учун саҳифа очган.